యువతులలో శారీరిక, మానసిక దృఢత్వం పెంచడం, వారిలో దేశభక్తి, దైవభక్తి పెంచడం, లవ్ జిహాద్ బారిన వారు పడకుండా కాపాడుకోవడం.  ఇందుకోసం శిక్షణా తరగతులు ఏర్పాటు చేయటం, శక్తి సాధనా కేంద్రాల నిర్వహణ చేయడం, సాప్తాహిక్ మిలన్ ఏర్పాటు, ఝాన్సీ లక్ష్మీబాయి జయంతి, దుర్గాష్టమి నాడు ఆయుధ పూజ మొదలైన కార్యక్రమాలు నిర్వహిస్తుంది.

దైవ భక్తితో పాటు దేశభక్తి వుంటేనే దేశము,ధర్మము రక్షింపబడతాయి, హిందూసమాజ మనుగడ వుంటుంది. హిందూ నమాజ కార్యము విజయవంతం చేయడానికి అవసరమైన నిత్యసిద్ధ శక్తిని నిర్మించడంలోనూ, కార్యకర్తల తయారీకి, చైతన్య శీల, జాగృత హిందూ తయారీకి ముఖ్య భూమిక. సత్సంగము వున్నచోట, అక్కడి హిందూ సమాజం ముందు వున్న అన్ని సవాళ్లు మరియు ఇతర అంతర్గత సమస్యలన్నీ సహజంగా పరిష్కారమవుతాయి.

ప్రముఖులను, ధార్మిక సంస్థల నిర్వాహకులను,ప్రభుత్వ అధికారులను, ప్రజా ప్రతినిధులను, ధార్మిక చింతన కలవారిని, ఆర్ధిక సహకారం అందించే దాతలను నిరంతరం సంపర్కం చేస్తూ హిందూ ధర్మ రక్షణకు వారిని భాగస్వామ్యం చేయటం.

‘అస్పృశ్యత’ అనేది మానసికమైన సామాజిక వికృతి, ఇది చట్టం ద్వారా లేదా రాజకీయ అధికారం ద్వారా తొలగించలేని సామాజిక రుగ్మత. ఏకాత్మత తత్త్వదర్శనాలను హిందూసమాజ జీవనంలో ఆచరణలోకి తీసుకు రావడం. హిందూ సమాజంలోని ప్రతి వ్యక్తి ఆలోచనా విధానాన్ని మార్చడం ద్వారా దోషరహితమైన సమరసత సమాజాన్ని నిర్మించడం.

VHP వివిధ సేవా కార్యక్రమాలు నిర్వహిస్తూ ప్రత్యేకంగా ప్రతి గ్రామం వరకు సేవా కార్య విస్తరణ లక్ష్యంగా పనిచేస్తున్నది. తద్వారా ఆజీవన పర్యంతం తప్పనిసరి అవసరాలైన విద్య, వైద్యం, సామాజిక, స్వావలంబన అనే నాలుగు రకాలైన సేవా కార్యక్రమాలు చేస్తుంది.

ప్రచార ప్రసార ద్వారా వాస్తవ చరిత్ర,సైద్ధాంతిక విషయాలు, సమకాలీన సమస్యలు వివరాల పుస్తకాలు, కరపత్రాలు ముద్రణ, పంపిణీ చేయడం. సోషల్ మీడియా ట్విట్టర్, ఫేస్బుక్, అవెబ్సైట్ ద్వారా ధర్మ ప్రచారం, ఆంధ్ర ప్రదేశ్ లో “విశ్వ ధర్మ వాణి” మాసపత్రిక ద్వారా అధ్యాత్మిక, సామాజిక, జాతీయ భావాలు ప్రచారం చేయడం.

మతమార్పిడులకు గురి అవుతున్న హిందువులను రక్షించి, మతం మారినవారికి అవగాహన కల్పించి తిరిగి హిందూ ధర్మంలోనికి తీసుకొని రావడమే ‘పరావర్తనము’. ఈ ధర్మ ప్రసార కార్యాన్ని ప్రభావవంతముగా మరియు ప్రసా వేగవంతముగా చేయడం, సమాజానికి అవగాహన కల్పించడం. “పరావర్తనం అంటే – మతమార్పిడి కాదు, దారి తప్పిపోయినవారిని వెనక్కి తెచ్చుకోవడమే!”

స్వామీజీలను నిరంతరం సంపర్కంచేసి ధర్మ ప్రచారంలో వారి మార్గదర్శనం పొందడం.

హిందూ ధార్మిక వ్యవస్థలో మందిరము, అర్చకులు మరియు పురోహితులు అనే మూడు రకాల వ్యవస్థలు ప్రభావంతమైన విభాగాలు.
మందిరము సామాజిక వికాస కేంద్రంగా, ధర్మ పరిరక్షణా కేంద్రంగా వ్యవస్థీకృతం చేయటం.